BLOGGER TEMPLATES AND TWITTER BACKGROUNDS

Jul 2, 2009

مسافة عشق

يفصلني عن القهوة ... مسافة عشق
أعشق رائحتها ... طقوسها ... لونها ...استمتع باعدادها
لكنني
لا أستسيغ طعمها
....
استمتع بالتطلع الي فنجان القهوة بالحليب
اضع فيه مكعبات السكر ببطء
و ارقب القهوة و هي تتسلقها بسرعة
كانها تشتاق لمذاقها الحلو
اتابع الدخان المتصاعد من الفنجان بهدوء
اراقب الاشكال المتكونة على السطح من امتزاج الحليب و القهوة معا
أحرك الفنجان مداعبة الاشكال
فتملؤني فرحة كالاطفال
انسي فيها عالمي
و احيا داخل الفنجان
اذوب فيه كمكعبات السكر
استسلم لرائحة القهوة الزكية
و هي تحتل كل خلايا جسدي
فتجعلني
اتمايل مع الاشكال المتكونة في تناغم عجيب
لكنني
.
.
.
عبثا حاولت ان استسيغ طعمها
بيني و بينها
مسافة عشق
قررت ان احافظ عليها
كيلا افقد عشقها و سحرها و جمالها
....
.
.
كم من الاشخاص و الاشياء تفصلنا عنهم مسافة عشق
تلك المسافة العجيبة
حين نقف عندها نذوب عشقا
ننسى عالمنا الواقعي و نحيا في عالم سحري
يغرينا بالاقتراب اكثر
لكننا
لا ندرك ان هذه المسافة هي اعلى نقطة في جبل العشق
لو تجاوزناها طمعا في المزيد
لفقدنا سحرها
و عبثا نحاول ان نصل للقمة من جديد
....

22 comments:

Sweet Violet said...

حمدلله على السلامة
^_^

انا قومت عملت نسكافيه بسبب وصفك للقهوة على فكرة
^_^

بجد ماشاء الله عليك
اما الكلمة الاخيرة
اتفق معاك جدااا فيها

لاسع افندى said...

استمتع بضرب النسكافيه
وارفض شراء مضرب

mony said...

اش جاب النسكافيه للقهوه؟
دا كفايه ريحتها على اول النهار
وللا وشها وهى بن ساده وسط
امممممممممممممم

Unknown said...

انت مزاج وروقان واحساس مفيش زي كده
الله حلو التعبير ..مسافة عشق
جامد قوي الكلام ده بجد والله رائع
حلو جدا جدا طيب ياربي هاتولي حروف تانية أوصف بيها اعجابي
يشهد الله انها مش مجاملة أبدا
يسعدني كثيرا أن يشاركني قلمك في تحرير مجلة رؤية مصرية
هكون سعيد قوي قوي قوي لو حضرتك شاركتي معايا فيها وكمان نورتيني في مدونتي
حرام قلم زي قلم حضرتك عيني متقرالوش وقلبي ميشربش من نبضه
أنا مبهووووور قوي
وسعيد جدا بإني عرفت براااح
ربنا يجعل حياتك براح وفرح يارب
تحياتي ومنتظر ردك

Hanan Elshafey said...

كالعاده
كتاباتك اروع كل مره
مسافة العشق ابداع العشق خقا ما قلتي

دوما ما احلق واحساسي علي وقع نغمات حروفك

ودي

adel said...

حلوة قوي قوي قوي

انا مدمن قهوة بجد و اكتر من اي حد

و عاجبني قوي تناولك للموضوع بالشكل ده

بزنس تعيش said...

حتى يظل العاشق متيما بما يحبه يدرك دائما أن عليه أن يترك مسافة بينه وبين معشوقه
حتى تظل فى مخيلته تلك الصورة الرائعة والجميلة التى نسجها من خياله عن معشوقه
بجد وصف مكتوب باحساس وحرفنة
شكرا ... تقبلى مرورنا
----------------------
مع تحياتنا / حازم و هانى

إيناس حليم said...

بوست رائع
رائع
رائع بجد
المعنى اللي عايزة توصليه صعب حد يعرف يوصله بالاحساس العالي ده..

مسافة عشق
قررت ان احافظ عليها
كيلا افقد عشقها و سحرها و جمالها

وصعب جدا جدا ان حد يحافظ على المسافة دي.. اغراء الاستزادة من السحر ده صعب نقدر نقاومه..
حتى لو متأكدين ان الاستزادة هتقود للنهاية..

بجد عجبني اوي البوست ده

تحياتي

Anonymous said...

الله أكبر عليكي وعلى جمالك وسحر كلامك
يا معشوقتي الجميله
فرحتي بيكي وبرقة كلامك مش مخلياني أجمَّع المفروض أقولك إيه، والله من كُتر تأثري الكلام ضاع مني
ربنا يحميكي ليا يا رب

ماما

Anonymous said...

بجد تفوقتي على نفسك المره دي
إتكلمتي بالتفصيل عن إحساسي يالقهوه
مبحبش طعمها
بس بدووووووووب من ريحتها
بصراحه الكلام كله أحلى من بعضه والإحساس عالي قوي قوي بطريقه تلقائيه وراقيه

.
كم من الاشخاص و الاشياء تفصلنا عنهم مسافة عشق
تلك المسافة العجيبة
حين نقف عندها نذوب عشقا
ننسى عالمنا الواقعي و نحيا في عالم سحري
يغرينا بالاقتراب اكثر
لكننا
لا ندرك ان هذه المسافة هي اعلى نقطة في جبل العشق
لو تجاوزناها طمعا في المزيد
لفقدنا سحرها
و عبثا نحاول ان نصل للقمة من جديد
....

بجد الكلام صح أوي وبصراحه جيتي على الجرح وعندك حق في الجمله الأخيره دي وأقنعتيني فعلاً إن في التجاوز في المشاعر بالزياده حيجيب نتيجه عكسيه، وحعمل بنصيحتك

ur Saulmate
Rania

الست فرويد said...

مسافة عشق

جميل جدا

تقبلى مرورى وارق تحياتى

شهرزاد said...

بوست رائع
وفيه شيء من الفلسفة والعمق والدقة في الوصف والتشبيه

أحييك بشدة على إحساسك العالي
إنه كعشق الفراشات للنور
تعشقه ولكنها تحترق به

وكما يقولون
بعدك نار وقربك نار
فلا ننجو من النار في أي من الحالتين

تحياتي

Anonymous said...

تحياتى لقهوتك ونظرتك وفكرتك ....بس انا معرفش ليه مش شايف القضية فنجان قهوة ...وشايفها ترميز لحاجات تانيه ارقى ...اسلوبك مميز وفكرتك رغم ذاتيتها وانفرادها بعيد عن المجتمع الا انها بتقصد قهوة تانيه خالص ونظرة تانيه خالص فى المجتمع مش مجرد فنجان على ترابيزة....تحياتى واتمنى اكون شوفتك صح لانى هزعل اوى لو كان فعلا بس فنجان ...لان الفكره جميله وصعب تتسطح وكل سنة وانتى طيبة
احمد حسن

لاسع افندى said...

تحيه وعيديه
وكحك وصحبه هنيه

عيد سعيد

Hanan Elshafey said...

غيبتك طولت

يارب بخير

Hanan Elshafey said...

مررت مره اخري للسؤال

بـراااح said...

اصدقائي
اعتذر لكم جميعا عن تاخري في الرد بس ده كان غصب عني لانشغالي بالدراسة وبالاعداد لمفاجاة هاقولهالكم في البوست الجاي
اشكركم لسؤالكم عني
تحياتي لكم

بـراااح said...

سويت فيوليت
والله كويس ان البوست فتح نفسك عالنسكافية :)) واضح اني وصفت القهوة بدقة :)) اشكرك عل تعليقك ولك مني ارق التحيات
.....

لاسع افندي
وانا كمان :)))
تحياتي
.....

موني
واضح انك كييفة قهوة
عالعموم النسكافية والقهوة قرايب :))
اشكرك على مرورك
.....

بـراااح said...

كاتب مصري
اشكرك جدا على كلماتك الجميلة ودعوتك للمشاركة في تحرير المجلة اولا اجدد اعتذاري عن تاخري في الرد ويشرفني طبعا قبول دعوتك
تحياتي
....

صديقتي الرقيقة حنان
اشكرك جدا على رقتك وسؤالك عني واعتذر لاني تاخرت في الرد ... كم يسعدني ان اجد لحروفي صدى داخل احساسك المرهف
تحياتي
....

عادل
اشكرك كثيرا على مرورك وكلماتك
تحياتي
.....

بـراااح said...

حازم وهاني
حقا ... تلك المسافة هي التي يتواجد بها الخيال حيث يضفي بسحره على حالة العشق
اشكركم وتقبلوا تحياتي
....

ايناس
اسعدني جدا رايك واشكرك على كلماتك الرقيقة
تحياتي
....

بـراااح said...

ماما حبيبتي
ربنا يخليكي ليا ... كل حاجة جميلة جوايا اخدتها منك انتي وبابا واي نجاح باحققه بيكون ببركه دعاكو ليا

رانيا حبيبتي يا اغلى اخت في الدنيا
نورتي المدونة كلها

بـراااح said...

الست فرويد
اشكرك على مرورك
تحياتي
.....

صديقتي الجميلة شهرزاد
اشكرك جدا على كلماتك الرقيقة دائما
تحياتي
.....

احمد حسن
اشكرك على مرورك وكلماتك
ومتزعلش ...الموضوع فعلا مش مجرد فنجان قهوة على ترابيزة
تحياتي
...