BLOGGER TEMPLATES AND TWITTER BACKGROUNDS

May 8, 2009

لو كنت تقدر

People Walking Into Horizon by paul katz

لو كنت براحي
لو كنتي براحية
تعالى أطيب جراحك
و تطيب جراح فيا
تكونوا نسمة صباحي
و أكون نجمة عشية
...
لو كنت تقدر
و كنت أقدر
نسمح لروحنا
تسكن براحنا
و بسحرها
تلمس جراحنا
تحلم و تفرح
تطير و ترجع
نسكت و وسط السكون هنسمع
سر الحياة
طوق النجاة
راحة قلوب خدها الحزن لمنتهاه
...
لو كنت تقدر
و كنا نقدر
هات براحك جار براحنا
لاجل ما يحلى صباحنا
و م القلوب تخفي جراحنا
يكبر الحلم الصغير
و القلوب يملاها خير
يغسل الكون و الوجود
حلمنا يعدي الحدود
لو كنت تقدر
……

12 comments:

زقطـوطـة said...

جميلة جميلة جميلة جميلة جميلة
إلى ما لا نهاية
: )))))))))))))

بجد إيه ده ؟؟
والله جميلة جدا
عجبتني جدا جدا
خصوصا الجزء الأول
هات براحك و براحي
وطيب جراح فيا
لالالا
هايلة والله ماشاء الله عليكي
بجد عجبتني والله
دي لازم تنزل في الكافيه
وتبقى ال
dicreption : ))

بـراااح said...

ربنا يخليكي يا زقطوطة
:))))))
انا مبسوطة انها عجبتك
و بفكر فعلا احطها في الكافية .... discreption بس بلاش تبقي
لا حد متعجبوش و يحدف كرسي في الكلوب
:)))))
نورتي البراح

عبد من عباد الله said...

حقيقي مش عارف
يا ترى اقدر ولا لأ

بس اللي اعرفه اني اقدر اقولك ان الكلام عجبني

Anonymous said...

أنا موافقه جدا على كلام زقطوطه
دي لاااااااااااااااازم تنزل على الكافيه فوراً
تحفه بجد
تسلم أفكارك ويسلم قلبك الدافي دا دايما يا رب

حلوة أوي
أوي

Yania

الربان said...

تحياتي

لو كنت اقدر و كنت تقدري لكان الكون عمار....

لو كنت اقدر و كنتي تقدري لاختفي الشجار...

لو كنت اقدر و كنتي تقدري...لكان الظلام نهار...

لكن قدري و قدرك...ان القدر قال كلمته...

البراح و الفضا مش هي دي قضيته

النور و الامل و كل منا ياخد علي قدر همته....

و كنت انا و انت..و هو وهي كل حسب رغبته

لكن الله الحكم العدل اعطي لكل منا علي قدر نيته....





احييكي اختي الفاضلة علي كلماتك الرقيقة المتدفقة بالمشاعر...و رقة وعذب الاحاسيس...


تحياتي و تقديري

شهرزاد said...

براح الجميلة
كما يقولون يد واحدة لا تصفق
وكل منا على حسب قدرته يستطيع ان يضيف إلى هذا العالم شيئا جميلا او يحقق حلما صغيرا أو يعطي للحياة من حبه وكرمه

ولا شيء مستحيل مع الإرادة وأكيد هنقدر وتقدري ويقدروا يغيروا الكون للأجمل والأفضل
المهم النيه والبداية

كلماتك رائعة وبدأت تنوعين في اسلوب الكتابة
أرجو لك التوفيق
واسفة على تأخري
وشكرا للسؤال
وألف تحية وسلام لروحك الجميلة

لاسع افندى said...

كلمات جميله ومعبره
كلنا عايزين نتنفس براح
كلنا عايزين نشوف براح




تقبلوا تحياتى ومرورى

بـراااح said...

عبد من عباد الله
عشان نعرف لو كنا نقدر و لا لأ لازم نحاول
نورتني بالزيارة و سعيدة ان اعجبتك كلماتي

بـراااح said...

ربنا يخليكي ليه يا رانيا - يانيا - :))
انا حطيتها في الكافية خلاص
و فيه اقتراح باننا نخليها النشيد الوطني للكافية:)))

بـراااح said...

الربان
اشكرك جدا على مداخلتك الرائعة
اسعدتني كثيرا و يسعدني وجودك دائما في البراح

بـراااح said...

صديقتي الجميلة شهرزاد
اتمني فعلا ان نستطيع تغيير العالم الي الافضل او على الاقل ان يتوقف عن التحول الي الاسوا
و لكنهم اصبحوا قليلون الذين يشعرون بالبراح داخل انفسهم
و اقل منهم الذين يريدون حقا ان يحدثوا فرقا و تغييرا الى الافضل
و لو على الاقل في محيطهم
يسعدني جدا وجودك و كلماتك
و اتمني ان تعودي بالجديد الي مدونتك فقد افتقدت كلماتك الرقيقة
تحياتي

بـراااح said...

لاسع افندي
اشكرك جدا علي كلماتك و مرورك
و اتمني وجودك دائما في البراح